Diedut MittSverige Vatten & Avfall birra, nordsamiska

Sjädtavallie gielddas mis lea ovddasvástádus gieldda čázis ja ruccis, ja maid dállodoalloroskkiid viežžamušas. Timrås ja Nordanstiges dállodoalloroaskkit hálddašuvvojit gielddain. Mávssut mearriduvvojit jahkásaččat gieldda ollesčoahkkimis.

MittSverige Vatten & Avfall bargu lea addit buori bálvaleami gieldda čázi ja rucci ektui gieldda orruide. Min oamasteaddjit leat Sundsvall Vatten AB (76%), Reko Sundsvall AB (4%), Timrå Vatten AB (18%) ja Nordanstig Vatten AB (2%). Doaibma lea ollásit ruhtaduvvon divadagain.

Čáhci ja golggiidus

Dat buhtis galbmačázi maid oaččut du čáhceluoittagis boahtá ovtta min ádjagiin. Čáhci láidejuvvo ádjagis du čáhceluoitagii min čáhceláidehanfierpmádagas. Go leat geavahan čázi (juhkan, bassan, reiden biepmu, golggahan hivssega ja nu ain viidaseabbut) de čáhci golgá viidáset soames min golggiidusbuhtistandoaimmahagaide. Doppe čáhci manná golbma buhtistanlávkki meaddel, mekánalaš, kemihkalaš ja biologalaš buhtisteamis ja maŋŋel luoitit dan merrii, jávriide ja jogaide ja nu fas ruovttuluotta birrajohtimii.

Stuora roaskkit dego njuoskaservieahtat, topset ja ravssat maid golggihat hivssegii eai beare bisset golggiidusaid muhto dat maid dahket ahte bumbbát mat geavahuvvojit sáhttet bissánit. Jus dat dáhpáhuvvá de sáhttá dárbbahit duolva čázi luoitit lundui dan botta go divvut bumbbáid. Golgget dušše cissa, baikka ja hivssetbáhpira hivssegis.

Roaskkit

Mis lea ovddasvástádus viežžat dállodoalloroskkiid Sjädtavallie gielddas. Dat mearkkaša ahte mii hálddašit gurremuša dain ruškes ja ruoná dutnuin. Mis lea maid ovddasvástádus dain golbma ođasmahttindoaimmahagain gos leat bargit gielddas ja viežžat golggiidusstánžži táŋkkain ja gáivvuin. Ođasmahttindoaimmahagat gos eai leat bargit eai leat min ovddasvástádusas, muhto min vástidit mielalaččat jearaldagaide gokte galggat juogadit.

Jus oaččut čáhcesuođu

MittSverige Vatten & Avfalles lea ovddasvástádus almmolaš láidenfierpmádagas, dat leat fierpmádagat olggobealde opmodaga. Jus suođđu lea olggobealde opmodaga, ovdamearkka dihte raŧis, sádde dieđahusa kundservice@msva.se.

Sadji, gos du fierpmádat searvá gieldda čáhce- ja golggiidusláidenfierpmádahkii lea dávjá 0,5 mehtera olggobealde dálloopmodatráji. Opmodateaiggádin dus lea ovddasvástádus čáhcesuođuin iežat opmodagas gitta ovttastatsadjái.

Jus oaččut čáhcesuođu de váldde oktavuođa bohccidivvuin vai VVS-monterejeddjiin gii sáhttá du veahkehit. Don fertet álu minguin váldit oktavuođa jus juoga dáhpáhuvvá dahje jos juoidáid fertet dahkat čáhcemihttáriin dahje jus fertet čázi giddet raŧis.

Dulvvadeapmi golggiidusas

Jus šaddá dulvvadeapmi, sádde dieđahusa kundservice@msva.se. Jus čáhci lea dahkan vahága, jurddaš maid váldit oktavuođa du dáhkádusfitnodagain. Dárbbahat go bumbenveahki, váldde oktavuođa várjalusbálvalusain, riŋge 112.

Váldde oktavuođa

E-boastta: kundservice@msva.se Boastačujuhus: Box 189, 851 03 Sjädtavallie
Guossástala min árgabeivviid 8.00-16.00 (boradanboddu 11.30-12.30): Stuvarvägen 17, Sjädtavallie

Persovdnadieđut

Dieđasuodjalanláhkaásahusa doarjagiin, GDPR, mii hálddašit du persovdnadieđuid vai sáhttit fuolahit ja maid váldit mávssu iežamet bálvalemiin.